Jang Emod jadi Komentator Biduan Orgen Tunggal

Emod jeung Asep ngilu jadi panitia acara di kantor Kacamatan anu dihadiran ku Pak Bupati.

Rengse acara aya hiburan nyanyi orgen tunggal.

Anu nyanyi ka hiji sorana pas-pasan, tapi geulis. Aya satengahna hadirin anu emprak.

Anu nyanyi kadua sabalikna,.henteu geulis tapi sorana hade pisan. Anu emprak lewih rame, kira-kira 60 persen ti anu narongton.

Emod heran, waktu anu nyanyi ka tilu, henteu geulis, sorana goreng ditambah tos rada kolot, tapi kabeh hadirin rame araremprak. Malah aya anu nangtung sagala bari ngacungkeun jempol.

Waktu ka toilet, Emod bari nangtung di toilet ngajak ngobrol Asep anu di gigireunna.

"Eta biduan anu katilu, geus kolot, beungetna euweuh tempoeun sorana goreng patut, Wawaniaan maksakeun maneh make nyanyi. Pede banget." ceuk Emod..

Si Asep teu nembalan. Kerung bari kucap kiceup.

"Eh... Uing mah ngomong sajujurna. Lain ngahina. Tapi aneh eta rame pisan diemprakan ku anu narongton. Urang Kacamatan sigana garering panonna, jeung ceulna eror kabeh. "

Si Asep teu nembalan. Malah pura2 teu ngadenge bari tunggkul. Terus buru-buru kaluar.

Kaluar ti toliet, Emod disampeurkeun si Asep.

"Eta anu nyanyi anu katilu anu ku maneh dipoyok, eta teh istrina Bupati."

"Heheh.. pantesan."

"Waktu di toilet tadi, Pak Bupatina kiih di ggireun maneh. Mangkana Uing ciciing teu nembalan."

Emod langsung pias, terus balik... Ngaciirr....