Musabab Emod Rajin Nempoan Poto Pamajikanna.
Kacarioskeun Jang Emod jadi kuli kontrak kebon sawit di Kalimantan. Babaturanna heran,Emod mineng pisan nempoan poto di dompetna.
"Rajin pisan maneh nempoan poto dina dompet. Poto saha eta?"
"Poto pamajikan di kampung."
"Kunaon di tempoan wae. Sono?"
"Lamun Uing nempo poto pamajikan sagala rasa susah jeung sedih leungit. Teu karasa."
"Weh... atuh hebat pisan eta pamajikan maneh. Geulis?"
"Eh... di kebon leuweung kieu nempoan nu geulis mah bisa nambahan ripuh nahan napsu."
"Jadi kunaon atuh ditempoan wae?"
"Lamun keur sangsara tong ngabayangkeun kangeunahan, malah engke nambah ngarasa sangsara. Kudu ngabayangkeun kayaan anu leuwih sangsara. Ceuk papatah, hirup mah tong nempo wae ka luhur, malah kudu mindeng nempo ka handap, ambeh bisa syukur ku kaayaan."
"Naon hubunganna jeung pamajikan maneh?"
"Masalah, rasa cape jeung kariweuh Uing hirup jeung pamajikan di kampung, lebih riweuh tibatan hirup di dieu.". ha ha ha
No comments:
Post a Comment