HAYANG SEURI HA HA HA : ABAH NANGKEP SPG

Hiji wanci Abah papisah sareng Ambu di tingkat 5 Mall. Abah culak cileuk kerung, ngadeg di payuneun toko parfum.

SPG, "Mangga Pak bilih bade ngagaleuh parfum."

Abah, "Ieu Abah papisah jeung Ambu."

SPG, "Ka bagean informasi wae Bah, diumumkeun."

Abah, "Di mana eta tempatna?"

SPG, "Di tingkat hiji."

Abah, "Walah.. moal bisa, Ieu Abah ka dieu teh rek ngaganti kacamata sakalian jalan2 jeung Ambu.. Tetempoan Abah jadi rumeuk."

SPG, "Nyuhunkeun bantuan satpam Bah."

Abah, "Tararangel. Kieu wae. Abah menta bantuan Nyai."

SPG, "Bantuan naon?"

Abah, "Di dieu yeuh di hareupeun toko, Abah nangkeup taktak Nyai. Da moal aya anu timburuan, dianggap anak wae.. Engke lamun aya Nini2 anu jojorowokan bari ngacungkeun sendal, tah eta pasti Ambu, pamajikan Abah."

SPG, " Hehehe... mangga lah. Karunya ka Abah.."

Bari nangkeup si SPG Abah ngajak ngobrol, "Baheula kuduna mah Abah neangan pipamajikaneun di Mol, lain di kampung."

SPG, "Ku naon kitu Bah?"

Abah, "Beda bauna ari awewe di Mol mah. Duka teuing ari rasana mah.""
===

Eta si Abah..
padahal pami ngadeg teu bari nangkeup Spg.. nya tangtu katingali ku Ambu..